इतर बातम्या

विधिमंडळ सदस्यांच्या कॅशलेस मेडीकल योजनेचा मुख्यमंत्र्यांच्या हस्ते शुभारंभ

मुंबई - महाराष्ट्र विधानमंडळाच्या विद्यमान व माजी सदस्य तसेच त्यांच्यावर अवलंबून असलेल्या कुटुंबातील सदस्यांना रोकडरहीत आरोग्य विमा योजनेचा शुभारंभ मुख्यमंत्री देवेंद्र फडणवीस यांच्या हस्ते आज करण्यात आला. विधानभवनाच्या समिती कक्षात हा कार्यक्रम झाला. यावेळी विधानपरिषद सभापती रामराजे निंबाळकरविधानसभा अध्यक्ष हरिभाऊ बागडे, सार्वजनिक बांधकाम मंत्री एकनाथ शिंदेविधान परिषद उपसभापती माणिकराव ठाकरेविरोधी पक्ष नेते धनंजय मुंडेविधानसभेचे विरोधी पक्षनेते राधाकृष्ण विखे पाटील आदी यावेळी उपस्थित होते. यावेळी मुख्यमंत्र्यांच्या हस्ते या योजनेच्या प्रमाणपत्राचे प्रकाशन करण्यात आले.

१ फेब्रुवारी २०१८ पासून ही योजना सुरू करण्यात आली आहे. यावेळी उपस्थित असलेल्या विधिमंडळातील सदस्यांना मुख्यमंत्र्यांच्या हस्ते विमा कार्डचे वाटप करण्यात आले. यावेळी आमदार अजित पवारसुनील तटकरेनीलम गोऱ्हेअनिल परबसंजय दत्तसुनील प्रभू,राज्याचे मुख्य सचिव सुमित मल्लिकविधानमंडळाचे प्रधान सचिव अनंत कळसे उपस्थित होते.

निरुपणकार सचिनदादा धर्माधिकारी यांच्या हस्ते ‘करियर मार्गदर्शक’ पुस्तकाचे प्रकाशन

अलिबाग - करियर बद्दल बोलणारे खूप आहेत परंतू त्या बद्दल नेमके मार्गदर्शन करियर मार्गदर्शकहे पुस्तक करेल असे आशीर्वाद राज्य सरकारचे स्वच्छता दूत ज्येष्ठ निरुपणकार पद्मश्री डॉ.आप्पासाहेब धर्माधिकारी यांनी दिले आहेत. निरुपणकार सचिनदादा धर्माधिकारी यांच्या हस्ते शारदा जयंत धुळप यांच्या करियर मार्गदर्शकया पुस्तकाचे प्रकाशन रेवदंडा येथे करण्यात आले. त्यानंतर बोलताना ज्येष्ठ निरुपणकार डॉ.आप्पासाहेब धर्माधिकारी यांनी हे आशिर्वाद दिले आहेत.

मुंबईतील टार्गेट पब्लिकेशन्स प्रा.लि. या नामांकीत प्रकाशन संस्थेने प्रकाशित केलेल्या या पुस्तकातून विद्यार्थी आणि त्यांचे पालक यांना योग्य मार्गदर्शन मिळू शकणार आहे. आवड आणि निवड याची योग्य सांगड घालून आपल्या करियरचा मार्ग विद्यार्थ्यांनी निवडला पाहीजे असे प्रतिपादन निरुपणकार सचिनदादा धर्माधिकारी यांनी केले. पूस्तकात नमुद करियरच्या विविध क्षेत्रांच्या अनूषंगाने त्यांनी अत्यंत अभ्यासपूर्ण विवेचन यावेळी केले. आपापल्या क्षेत्रात अनन्यसाधारण यश संपादन केलेल्या मान्यवरांच्या अनुभवांचे बोल  करियर मार्गदर्शकया पुस्तकात ऑडीओ-व्हीज्यूअल च्या माध्यमातून क्युआर कोड या आधूनिक तंत्राने उपलब्ध करुन देण्याच्या कल्पकतेचे त्यांनी कौतूक केले. 

टार्गेट पब्लिकेशन्स प्रा.लि.चे प्रमुख दिलीप गंगारामानी यांनी करिअर मार्गदर्शक पुस्तकाची वैशिष्ठे विशद करुन सांगितली. विविध क्षेत्रंमधील करिअरविषयी सविस्तर माहिती देत असतानाच प्रत्येक क्षेत्रातील करिअरच्या संधीविषयी विस्तृत विवेचन व उपयुक्त वेबसाइट्सचा समावेश या पुस्तकामध्ये करण्यात आले आहे. त्याचबरोबर विविध क्षेत्रंतील ३९ नामांकित मान्यवर व्यक्तींच्या स्वानुभवकथनाचे व्हिडीओज अनुभवाचे बोल या सदरात मोफत उपलब्ध करून देवून मान्यवर व्यक्तींचे व्हिडिओजच्या माध्यमातून मार्गदर्शन विद्यार्थी व पालकांना थेट मोबाईलवर उपलब्ध करुन देणारे हे पहिलेच पूस्तक असल्याचे गंगारामानी यांनी अखेरीस सांगीतले. ज्येष्ठ निरुपणकार पद्मश्री डॉ.आप्पासाहेब धर्माधिकारी व  सचिनदादा धमार्धिकारी यांचे यावेळी आभार व्यक्त करुन करियर मार्गदर्शकपुस्तकाच्या निर्मितीकरिता बहूमोल सहकार्य केलेल्या सर्वाप्रती संकलक व लेखीका शारदा जयंत धुळप यांनी कृतज्ञता व्यक्त केली.  यावेळी टार्गेट पब्लिकेशन्सचे तुषार चौधरी, महेष कुंटे, संजये भुजले, संतोष अमीन, सुनील भतीजा, शकील अहमद, आशिष बिसेन, विकास गोखले,सुधीर पाटील आदि मान्यवर उपस्थित होते.

 ‘अनुभवाचे बोल सदरात मार्गदर्शन करणा:या मान्यवरांमध्ये पद्मश्री डॉ. तात्याराव लहाने (नेत्ररोगतज्ज्ञ), कॅप्टन सुरेश वंजारी (निवृत्त लष्करी अधिकारी), संजय कुलकर्णी (करिअर कौन्सिलर)अश्विनी सानप (पोलीस उपायुक्त मुंबई पोलीस दल-मुख्यालय २), सुनील लिमये (अप्पर प्रधान मुख्य संरक्षक - वनविभाग), आदित्य ठाकरे (युवा सेना), विश्वनाथ महाडेश्वर (महापौर बृहन्मुंबई महानगरपालिका),पुष्कर श्रोत्री (अभिनेता),  डॉ. विनायक म्हात्रे (मेडिको - लीगल कंसलटंट), डॉ. निखिल खांडगे (दंतवैद्यक),डॉ. राजेंद्र बर्वे (मानसशास्त्रज्ञ)श्रद्धा कुलकर्णी (डायरेक्टर, सनवन टेक्नॉलॉजी प्रा. लिमिटेड), कैलाश हिवराळे (उपप्रमुख अग्निशमन अधिकारी), ज्योती लोहार (उपप्राचार्य, मुलुंड आय.टी.आय), उषा मुकुंदन (प्राचार्य रामनिरंजन झुनझुनवाला कॉलेज), डॉ. धर्मेद्र पाण्डे (रिसर्च सायंटिस्ट), दीपक चव्हाण (शेतमाल बाजारभाव सल्लागार आणि कृषी पत्रकार), शेखर साने (चार्टर्ड अकाऊटंट), समीर शाह (चार्टर्ड अकाऊटंट), माणिकंठ (कंपनी सेक्रेटरी), निलेश लिमये (शेफ), झोएब मेमन (हॉटेल व्यवस्थापन तज्ज्ञ), डॉ. तेजस गर्गे (पुरातत्त्वशास्त्रज्ञ), प्रगती पुजारी (केबिन क्रू), अनुषा श्रीनिवासन अय्यर (जर्नलिस्ट आणि मीडिया स्ट्रॅटेजिस्ट), विवेक पडवळ (अॅडव्हर्टायङिांग एजन्सी), अभय मोकाशी (ज्येष्ठ पत्रकार), आनंद लिमये (संचालक, इंडिया पिंट्रिंग वर्क्‍स), अच्युत पालव (कॅलिग्राफी आर्टिस्ट आणि प्रशिक्षक), दीपक वेलणकर (व्हॉईस ओव्हर आर्टिस्ट अणि प्रशिक्षक), आशिष मॉल (अॅनिमेटर)श्रीकांत मलुष्टे (फोटोग्राफी),भाऊ राव कऱ्हाडे (दिग्दर्शक)कलाश्री ऐश्वर्या वारियर (शास्त्रीय नृत्यांगना), सुभाष नकाशे (नृत्यदिग्दर्शक), महेश काळे (शास्त्रीय गायक), मिहिरा खोपकर (स्पोर्ट्स अॅण्ड क्लिनिकल न्यूट्रिशनिस्ट), ऐश्वर्या पेंडसे - जोशी (उद्योजिका - टेक्सटाइल अॅण्ड क्लोदिंग) आणि माजिद मेमन (ज्येष्ठ वकील) यांचा समोवेश आहे.

नवीन वस्त्रोद्योग धोरणातून मेक इन महाराष्ट्रला चालना

मुंबई - राज्यातील वस्त्रोद्योगासाठी संजीवनी ठरणारा वीज दर सवलतीचा निर्णय मंगळवारच्या मंत्रिमंडळ बैठकीत घेण्यात आला आहे. त्याअंतर्गत सहकारी सूतगिरण्यांच्या वीजदरात प्रति युनिट तीन रुपये आणि यंत्रमागप्रक्रियागारमेंटहोजिअरी इत्यादी प्रकल्पांच्या वीज दरात दोन रुपयांची सवलत देण्यात निर्णय मुख्यमंत्री देवेंद्र फडणवीस यांनी घेतला आहे.राज्यासाठी महत्वाकांक्षी असणाऱ्या मेक इन महाराष्ट्र या उपक्रमाला चालना देण्यासह वस्त्रोद्योगाच्या शाश्वत विकासातून शेतकरीमहिला आणि कमकुवत घटकांच्या उन्नतीसाठी क्रांतिकारी ठरू शकणारे नवीन वस्त्रोद्योग धोरण आखण्यात आले आहे. या धोरणांतर्गत वस्त्रोद्योग घटकांना लागणाऱ्या वीजदरामध्ये भरीव सवलत देण्यासह अपारंपरिक उर्जेचा वापर करणाऱ्या प्रकल्पांना विशेष प्रोत्साहन देण्यात येणार आहे.

मंत्रिमंडळातील निर्णयानुसार सहकारी सूतगिरणीच्या वीजदरात प्रति युनिटमागे तीन रुपये इतकी सूट देण्यात आली आहे. ही सवलत ओपन ॲक्सेसमधून घेण्यात येणाऱ्या विजेसाठी असणार नाही. या सवलतीपोटी प्रतिवर्ष १५० कोटींच्या मर्यादेत तीन वर्षासाठी तरतूद करण्यात आली आहे. तीन वर्षाच्या कालावधीत वस्त्रोद्योग प्रकल्पांनी सौर व पवन यासारखे अपारंपरिक ऊर्जा प्रकल्प उभारून आपली भविष्यातील गरज पूर्ण करणे आवश्यक आहे. याबाबत असणारी एक मेगावॅटची मर्यादा नेट मीटर योजनेतून काढून टाकण्यात आली आहे. या योजनेंतर्गत दिल्या जाणाऱ्या सुटीबाबत दरवर्षी आढावा घेण्यात येणार असून १५० कोटीपेक्षा जास्त अधिभार होत असल्यास या सवलतीत कपात करण्याबाबत विचार केला जाईल.

राज्यातील १०७ हॉर्सपॉवरपेक्षा उच्च दाबाच्या सहकारी सूतगिरण्या वगळता अन्य वस्त्रोद्योग प्रकल्पांना प्रति युनिट दोन रुपयांप्रमाणे वीज सवलत देण्यात येणार आहे. यंत्रमागासाठी देण्यात येणारी वीज दर सवलत आता गारमेंटनिटिंग व होजियरी या उद्योगांनाही लागू करण्यात आली आहे. तसेच वस्त्रोद्योग घटकांना ओपन ॲक्सेसवर लावण्यात येणारी क्रॉस सबसिडी यापुढे काढून टाकण्यात येईल. त्याचप्रमाणे अपारंपरिक ऊर्जा स्त्रोतांचा वापर करणाऱ्या प्रकल्पांना ऊर्जा विभागाकडून वहन खर्च वगळता अन्य अधिभार लावला जाणार नाहीअसेही महत्त्वपूर्ण निर्णय घेण्यात आले आहेत.

राज्यात उत्पादित होणाऱ्या कापूसरेशीमलोकर आणि अन्य पारंपरिक व मानवनिर्मित तंतूवर प्रक्रिया करताना कापूस ते तयार वस्त्रनिर्मितीतील (Fibre to Fashion) सर्व घटकांच्या उभारणीसह रोजगार निर्मितीला प्रोत्साहन देण्यामध्ये वस्त्रोद्योग धोरण - २०१८-२३ महत्त्वाची भूमिका बजावणार आहे. या धोरणातून पुढील पाच वर्षात १० लाख रोजगारनिर्मिती अपेक्षित असून त्यासाठी शासनाकडून ४६४९ कोटी रुपयांच्या विविध योजना राबविण्यात येणार आहेत.

कापूसरेशीमलोकर व अपारंपारिक सूत (केळीबांबूघायपातनारळ काथा इत्यादी) यासंदर्भातील उद्योगांतून १० लक्ष नवीन रोजगार निर्माण करण्यासाठी कौशल्य विकासाचा व्यापक कार्यक्रम राबविण्यात येणार आहे. वस्त्रोद्योगासाठी आवश्यक असणारे अभ्यासक्रम शिकविण्यासाठी राज्य वस्त्रोद्योग विद्यापीठ स्थापन करण्याचा निर्धार करण्यात आला आहे. तसेच पारंपरिक व अपारंपरिक सूत निर्मिती स्त्रोतांपासून २०२२ पर्यंत शेतकऱ्यांचे उत्पन्न दुप्पटीने वाढविणेअपारंपरिक सूत उत्पादनवापरतयार कापड निर्मिती क्षेत्रासाठी १० टक्के अनुदान देऊन या क्षेत्रास प्रोत्साहित करणेतसेच अपारंपरिक सूत निर्मिती व त्याच्या उपयोगास प्रोत्साहन देण्यासाठी वस्त्रोद्योग विभागात विशेष कक्ष उघडणेमाफक दरात वीज पुरवठा करणे आदी उद्दिष्टांचा समावेश या धोरणात करण्यात आला आहे. वस्त्रोद्योग विकास कोषाद्वारे आर्थिक बळकटीकरण करण्यात येणार असून रेशीमकोष बाजारपेठटेक्सटाईल क्लस्टर,गारमेंट पार्क व चॉकी रेअरिंग सेंटर यासारख्या पायाभूत सुविधांची निर्मिती करण्यासाठी विविध पातळ्यांवर प्रयत्न करण्यात येतील. अजंठाएलोरा येथील रेशीम सर्कलच्या धर्तीवर गडचिरोलीचंद्रपूरभंडारा येथे रेशीम पर्यटन सर्कल विकसित करण्यात येईल. वस्त्रोद्योग विभागाचे बळकटीकरण करणे व प्रशासकीय कामकाजाचे सुलभीकरण करण्यासाठी संचालनालयाचे आयुक्तालयात रुपांतर करण्याचा निर्णयही घेण्यात आला आहे. हरित उर्जेसाठी विशेष प्रोत्साहन देण्यासह सेंद्रिय धागानैसर्गिक रंगांचा वापरप्रक्रिया उद्योगात शुन्य जल विकास प्रणालीची (ZLD) अंमलबजावणी यासारख्या पर्यावरणस्नेही बाबींसाठी विशेष प्रोत्साहन अनुदान देण्यात येईल.

कापूस उत्पादक क्षेत्रातील सहकारी सूतगिरण्यांना प्रोत्साहन देण्यात येणार असून या धोरणांतर्गत भागभांडवल योजना फक्त कापूस उत्पादक जिल्ह्यांमध्ये राबविण्यात येईल. त्यामध्येही संबंधित तालुक्यात उत्पादित होणाऱ्या कापसापैकी ५० टक्क्यांपेक्षा कमी कापूस वापरला जाणाऱ्या सुतगिरण्यांचा समावेश आहे. शासकीय भागभांडवलाचे दायित्व कालबद्धपणे पूर्ण होण्यासाठी या सूतगिरण्यांना ३० टक्के शासकीय भागभांडवल दिले जाणार असून सहकारी संस्थांनी किमान १० टक्के निधी उभारणे आवश्यक आहे. मेक इन महाराष्ट्र धोरणांतर्गत ५०० कोटी रुपयांपेक्षा जास्त गुंतवणूक प्रकल्पास ५ टक्के विशेष भांडवली अनुदान व तालुक्यातील पहिल्या अशा प्रकल्पास अतिरिक्त ५ टक्के अनुदानाद्वारे विशेष प्रोत्साहन देण्यात येणार आहे. सूतगिरण्यांच्या व्यवस्थापकीय संचालक पदावर शासकीय अधिकारी प्रतिनियुक्तीने नेमण्याची तरतूद देखील करण्यात आली आहे. लाभप्रद नसलेल्या सहकारी सूतगिरणी व यंत्रमाग संस्थांना शासकीय देणी व त्यावर मिळालेले व्याज एकरकमी शासनास परत करण्याच्या अटीवर खासगीकरणास मुभा देण्यात आली असून ती संधी निश्चित कालावधीसाठीच उपलब्ध असेल.

नागोठणे ग्रा. पं. निवडणूक : शेकाप, राष्ट्रवादीशी आघाडी करण्यासाठी उत्सुक

नागोठणे (अलिबाग) - अलिबाग तालुक्यातील येथील ग्रामपंचायत निवडणुकीचे अर्ज भरण्यास सोमवार ५ फेब्रुवारीपासून प्रारंभ झाला असला तरी, पहिल्या दिवशी एकही अर्ज दाखल झालेला नाही. मात्र, काही संभाव्य उमेदवार सध्या राखीव जागेतून निवडणूक लढविण्यासाठी आपल्या जातीच्या दाखल्याची पडताळणी करण्यासाठी गोंधळपाडा, अलिबाग येथील जिल्हा जात प्रमाणपत्र  पडताळणी समिती कार्यालयात धावत आहेत, तर काही जण उमेदवारी पदरात पाडून घेण्यासाठी नेत्यांचे उंबरठे झिजवत असल्याचे स्पष्ट होत आहे.

सध्या शेकापचा एक विद्यमान सदस्य आहे. त्याने २०१४ च्या निवडणुकीत शेकापने सेनेशी आघाडी केली होती. २०१४ नंतर अंबा नदीच्या पुलाखालून बरेच पाणी वाहून गेले असून अलीकडेच शेकाप आणि राष्ट्रवादी काँग्रेस यांच्यात दिलजमाई होऊन जिल्हा परिषदेच्या निवडणुकीनंतर दोन्ही पक्ष जिल्ह्यात गुण्या गोविंदाने नांदत असल्याचे चित्र सध्या दिसून येत आहे. जिल्ह्यात एकत्र आहोत, तर नागोठणे ग्रामपंचायत निवडणुकीत एकत्र लढावे असा सूर उमटू लागल्याने अलिकडेच शेकापकडून तसा प्रस्ताव राष्ट्रवादीकडे दिला आहे व बुधवार - गुरुवारपर्यंत त्याला म्हणजेच आघाडीला मूर्त स्वरूप मिळेल असे स्पष्ट होत आहे. मात्र, नागोठण्यातील एका प्रमुख पदाधिकाऱ्याने पुन्हा एकदा सेनेशी संधान बांधून आघाडीच्या माध्यमातून एका प्रभागातील जागा आपल्या पदरात पाडून घेण्यासाठी प्रयत्न चालविला असल्याची कुजबुज सध्या शहरात होत आहे. शेकापचे सर्वच कार्यकर्ते, २०१९ मधील भावी निवडणुकांकडे लक्ष ठेऊन ग्रा. पं. निवडणुकीत राष्ट्रवादीशी आघाडी करण्यासाठी उत्सुक असल्याचे चित्र दिसत असताना शेकापचाच एक पदाधिकारी सेनेशीच सलगी करण्यासाठी उत्सुक कशासाठी, असा सवाल विचारला जात आहे. उमेदवारी अर्ज भरण्यासाठी अजून चार दिवस राहिले असल्याने चार दिवसात अनेक घडामोडी होण्याची चिन्हे त्यानिमित्ताने दिसत आहेत. त्यामुळे शेकापच्या या पदाधिकाऱ्याला कोणती आघाडी ' हार तुरे ' देईल हे १० तारखेलाच स्पष्ट होणार आहे. 

कुमार कदम यांचा ब्लॉग..