महावृत्त

पीएनबी बँकेला ११ हजार कोटींचा गंडा घालणारा नीरव मोदीचे पलायन

मुंबई - पंजाब नॅशनल बँकेला ११ हजार कोटींचा गंडा घालणारा हिरे व्यापारी नीरव मोदी  याने आपल्यावर कारवाई होईल या भीतीने स्वित्झर्लंडमध्ये पळ काढल्याचे वृत्त आहे. मात्र, मुंबई पोलीसांनी याबाबत अद्याप कोणतीही माहिती दिलेली नाही. नीरव मोदी याने आपल्या मित्रांच्या सहाय्याने पँजाब नॅशनल बँकेला ११ हजार कोटींचा गंडा घातल्याचा आरोप असून नीरव याच्या आई आणि भावाविरोधातही गुन्हा दाखल करण्यात आला आहे.दरम्यान, पीएनबी बँकेने या प्रकरणाशी संबंधीत आरोपींची नावे जाहीर केलेली नाहीत मात्र तपास यंत्रणांना बँकेकडून याची माहिती देण्यात आली आहे.

अधिक वाचा:पीएनबी बँकेला ११ हजार कोटींचा गंडा घालणारा नीरव मोदीचे पलायन

बिहारमध्ये जैन धर्मशाळेत बॉम्बस्फोट : १ दहशतवादी जखमी

भोजपूर - बिहार मधील भोजपूर जिल्ह्यातील आरा येथील बडीचौकी जवळ असलेल्या हरखेन कुमार जैन धर्मशाळेत आज, गुरुवारी सकाळी दहशतवाद्यांनी घडवून आणलेल्या स्फोटात एक दहशतवादीच जखमी झाला. या घटनेनंतर जखमी झालेल्या दहशतवाद्याचे इतर चार साथीदारांनी पलायन केले असून पोलीस त्यांचा शोध घेत आहेत. बॉम्बविरोधी पथकानेही घटनास्थळी धाव घेतली असून तपास सुरू केला आहे. दरम्यान, बिहारमध्ये ठिकठिकाणी नाकाबंदी करण्यात आली असून संशयितांची कसून चौकशी केली जात आहे. यापूर्वी महाबोधी मंदिरात बॉम्ब आढळले होते. त्याचा आणि आजच्या घटनेचा काही संबंध आहे का? याचाही तपास सुरू करण्यात आल्याचे सूत्रांनी सांगितले.

महात्मा फुले यांच्यावरील चित्रपटाची नामांकित संस्थेकडून निर्मिती करणार

मुंबई - थोर समाज सुधारक महात्मा जोतिबा फुले यांचे जीवनकार्य राष्ट्रीय आणि आंतरराष्ट्रीय पातळीवर पोहोचावे यासाठी त्यांच्या जीवनावरील चित्रपटाची निर्मिती नामांकित आणि व्यावसायिक संस्थेकडून करण्यात येणार आहे. मराठीहिंदी आणि इंग्रजी या तीन भाषांत तयार होणारा हा चित्रपट वर्षभरात पूर्ण करण्यात येणार असून यासाठी ई-निविदा मागवून संस्थेची निवड करण्याचा निर्णय बुधवारी झालेल्या मंत्रिमंडळाच्या बैठकीत घेण्यात आला.

अधिक वाचा:महात्मा फुले यांच्यावरील चित्रपटाची नामांकित संस्थेकडून निर्मिती करणार

भारतात पहिल्यांदाच संपन्न होणार "रंगभूमी ऑलिम्पियाड"

नवी दिल्ली (विजय सातोकर) – भारत सरकारच्या सांस्कृतिक कार्य मंत्रालयातर्फे भारतात पहिल्यांदाच "रंगभूमी ऑलिम्पियाड"चे आयोजन करण्यात आले आहे. दिल्लीतील ऐतिहासिक लाल किल्ल्याच्या परिसरात येत्या १७ फेब्रुवारीपासून सुरू होणाऱ्या या "रंगभूमी ऑलिम्पियाड"चे उद्घाटन उपराष्ट्रपती व्यंकय्या नायडू यांच्या हस्ते होणार असून ते ५१ दिवस चालणार आहे. देशातील १७ शहरात एकाच वेळी रंगणाऱ्या या "रंगभूमी ऑलिम्पियाड"चा समारोप एप्रिलमध्ये मुंबईत "गेट वे ऑफ इंडिया"जवळ होईल, अशी माहिती राष्ट्रीय नाट्य विद्यालयाचे संचालक डॉ.वामन केंद्रे यांनी एका पत्रकार परिषदेत दिली. भारत सरकारचे सांस्कृतिक कार्य मंत्री डॉ.महेश शर्मा यावेळी उपस्थित होते.

अधिक वाचा:भारतात पहिल्यांदाच संपन्न होणार "रंगभूमी ऑलिम्पियाड"