महावृत्त

माया कोडनानीना जामीन मुदतवाढ देण्यास सर्वोच्च न्यायालयाचा नकार

नवी दिल्ली - गुजरातमधील नरोडा पटिया दंगलीप्रकरणी दोषी ठरलेल्या व जन्मठेपेची शिक्षा भोगणा-या गुजरातच्या माजी मंत्री माया कोडनानी यांना अंतरिम जामीन देण्यास आज, सोमवारी सर्वोच्च न्यायालयाने नकार दिला.  हा निर्णय न्या. एच. एल. दत्तू यांच्या अध्यक्षतेखालील खंडपीठाने दिला. नोव्हेबर महिन्यात कोडनांनीची क्षय झाल्याने त्यावरील वैद्यकीय उपचारांसाठी तीन महिन्यांचा जामीनावर सुटका झाली होती. १२ फेब्रुवारील त्यांच्या जामीनाची मुदत संपायच्या आधीच त्यांना जामीन पुन्हा वाढवून मिळावा याकरीता सर्वोच्च न्यायालयात याचिका दाखल करण्यात आली असता २४ फेब्रुवारीपर्यंत मुदत वाढ देण्यात आली होती. कोदनानी यांच्या ढसळलेल्या मानसिक अवस्थेमुळे त्यांना पुन्हा जामीन वाढ देण्यात यावी, अशी विनंती त्यांची बाजु न्यायालयात मांडणा-या वकिलांनी  केली असता सर्वोच्च न्यायालयाने अर्ज नाकारत त्यांना मुदत वाढ देण्यास नकार दिला.

अधिक वाचा:माया कोडनानीना जामीन मुदतवाढ देण्यास सर्वोच्च न्यायालयाचा नकार

दिल्लीत एकाच कुटुंबातील चारजणांचे मृतदेह आढळले

नवी दिल्ली - नवी दिल्लीतील द्वारका परिसरात एका घरात एकाच कुटुंबातील चारजणांचे मृतदेह आढळल्याने येथे खळबळ माजली आहे. या मृतदेहामध्ये एक पुरूष, त्याची पत्नी आणि दोन मुलींचा समावेश असून मृतदेहातील तीन जणांचे मृतदेह एका पलंगावर आढळून आले, तर पुरूषाचा मृतदेह दुस-या खोलीत पंख्याला लटकलेल्या अवस्थेत आढळून आला आहे. संबंधित पुरुषाने त्याची पत्नी व दोन मुलींना ठार मारून स्वतः पंख्याला फास घेऊन आत्महत्या केल्याचा पोलिसांचा संशय आहे. मात्र पोलिसांना त्याने आत्महत्या केल्याचा कोणताही पुरावा सापडला नसून या सर्वाच्या गुढ मृत्यूमागील कारणाचा शोध पोलिस घेत आहेत.

मंत्रिमंडळ निर्णय: २३ फेब्रुवारी, २०१४

मुंबई - आज राज्य मंत्रिमंडळाने घेतलेले निर्णय खालीलप्रमाणे -

अंगणवाडी सेविका आणि कर्मचाऱ्यांच्या मानधनात वाढ
अंगणवाडी सेविका, अंगणवाडी मदतनीस आणि मिनी अंगणवाडी सेविका यांच्या मानधनात वाढ करण्याचा निर्णय आज राज्य मंत्रिमंडळाने घेतला. १ एप्रिल २०१४ पासून अंगणवाडी सेविकांचे मानधन ४०५० वरुन ५००० रुपये होणार आहे. अंगणवाडी मदतनीसाचे मानधन २००० वरुन २५०० रुपये होणार आहे. तर मिनी अंगणवाडी सेविकेला १९५० ऐवजी २४०० रुपये मानधन मिळेल.
अंगणवाडी सेविकांच्या मानधनात ९५० रूपये, मदतनीसांच्या मानधनात ५०० रूपये, मिनी अंगणवाडी सेविकेच्या मानधनात ४५० रूपये एवढी वाढ करण्यात आली आहे. राज्यातील २ लाख ६ हजार १२५ कर्मचाऱ्यांना या निर्णयाचा लाभ होणार आहे. या निर्णयामुळे दरमहा १४ कोटी ७५ लाख रूपये व वार्षिक १७७ कोटी रूपये इतका अतिरिक्त खर्च येणार आहे.

अधिक वाचा:मंत्रिमंडळ निर्णय: २३ फेब्रुवारी, २०१४

किरणकुमार रेड्डी नवा पक्ष स्थापन करणार?

हैद्राबाद - वेगळय़ा तेलंगणा निर्मितीचे विधेयक लोकसभेत संमत झाल्यानंतर  मुख्यमंत्रीपदाचा राजीनामा दिलेले किरणकुमार रेड्डी यांनी नवा पक्ष स्थापन करण्याचा निर्णय घेतला असून त्याअनुषंगाने त्यांनी हालचाली सुरू केल्याची गोपनीय माहिती सुत्रांकडून मिळाली आहे. याबाबत मिळालेल्या माहितीनुसार किरणकुमार रेड्डी यांनी आज, रविवारी सीमांध्रमधील काँग्रेसमधून निलंबित करण्यात आलेल्या खासदार एल. राजगोपाल, सब्बाम हरी, व्ही. अरूण कुमार, साई प्रताप, हरिष कुमार आणि आर. संबाशिव राव या सहा खासदारांसह त्यांच्या निकटवर्ती माजी मंत्र्यांबरोबर नवा पक्ष स्थापन करण्यासंदर्भात चर्चा केली.
आंध्र प्रदेशचे विभाजन करण्यात आल्याने सीमांध्रमध्ये काँग्रेसविरोधात लाट आहे. यामुळेच रेड्डी हे आपले राजकीय अस्तित्व टिकविण्यासाठी लवकरच आपल्या नव्या पक्षाची घोषणा करतील, अशी चर्चा राजकीय वर्तुळात होऊ लागली आहे.